BUSE - Best Ucoz Search Engine

php დამწყებებს - 6 გაკვეთილი

DL1MP1K — Sun, 04 Mar 2012 12:35:45 GMT

წინა თავში განვიხილეთ ზოგადად ფუნქციები, ამ თავში კი შევეხებით უკვე PHP-ში ჩადგმულ ფუნქციებს რომლებიც აგრეთვე ფუნქციებს უკვაშირდებიან.

ფუნქციის შექმნა : create_function

არსებობს ფუნქციის შექმნის ალტერნატიული გზა. ფუნქცია create_function ქმნის ფუნქციას ანონიმური სახელით, რომელსაც მიანიჭებს უნიკალურ სახელს და დაუბრუნებს მითითებულ ცვლადს. მას მიეწოდება ორი პარამეტრი: არგუმენტები და კოდი.

სინტაქსი : create_function ( [არგუმენტები], [კოდი] )

ამ ფუნქციის გამოყენება, მაგალითად, შეიძლება რაღაც არსებულ ინფორმაციაზე დაფუძვნებით, რომელიც კიდევ რაიმე ფუნქციის დროს მივიღეთ.

Code

$funqcia = create_function('$x,$y', 'return $x+$y;');

echo "Funqciis saxelia: ".$funqcia;
echo "
";
echo "Funciam shesruleba: ".$funqcia(2, 4);

?>

არსებობის შემოწმება : function_exists

ამ ფუნქციის გამოყენებით, რომელიც აბრუნებს Boolean-ის ტიპის ცვლადს (ture, false) შეიძლება შევამოწმოთ არსებობს თუ არა გარკვეული ფუნქცია.

სინტაქსი : function_exists( [ფუნქციის სახელი] )

Code

// phpinfo() aris funqcia romelic achvenebs
// php-stan dakavshirebul serverul info-s.

$bool = function_exists("phpinfo");

if ($bool == true) echo "funqcia phpinfo arsebobs!";
else echo "funqcia phpinfo ar arsebobs!";

?>

ფუნქციების სიის მიღება : get_defined_functions

get_defined_functions() აბრუნებს მასივის ტიპის ცვლადს, რომელშიც შეტანილია ყვალა განსაზღვრული ფუნქცია. მასივებზე ჯერ არ გვისაუბრია, მხოლოდ ის ვთქვათ, რომ ფუნქცია print_r-ს დანიშნულებაა ეკრანზე გამოიტანოს მასივის შემადგენლობა. მოგვიანებით გავარჩევთ მასივის დამუშავებასაც.

Code

$funqciebi = get_defined_functions();
print("

"); 
 print_r($funqciebi); 
 print("

");

?>

ფუნქციების შეცვლა : override_function

მომავალში აუცილებლად დაგჭირდებათ PHP-ის ზოგიერთი ფუნქციების თქვენს გემოზე დაყენება. სწორედ ამისთვის არსებობს ფუნქცია.

სინტაქსი : override_function( [ფუნქციის სახელი], [ფუნქციის არგუმენტები], [ფუნქციის კოდი] )

ფუნქცია მოქმედებს ისევე როგორც create_function, იმის გამონაკლისით რომ საჭიროებს იმ ფუნქციის სახელს რომელსაც ვცვლით.

ფუნქციის სახელის შეცვლა : rename_function

ამ ფუნქციის მეშვეობით შეძლებთ არსებული ფუნქციების სახელის შეცვლას.

სინტაქსი : rename_function ( [ორიგინალი სახელი], [ახალი სახელი] )

Code

rename_function('phpinfo', 'informacia' );

?>

არგუმენტებთან მუშაობა

არგუმენტებთან მუშაობა PHP-ის ფუნქციების ერთ-ერთი ყველაზე სასარგებლო რამაა. შესაძლებელია კერძოდ ერთი არგუმენტის მიღება, ყველა არგუმენტის და რაღათქმაუნდა მათი რაოდენობის. ამ დანიშნულებებს ასრულებს სამი ფუნქცია:

არგუმენტის მიღება : func_get_arg

ფუნქცია აბრუნებს მითითებული ნომრის შესაბამის არგუმენტს. გაითვალისწინეთ, რომ ნუმერაცია იწყება 0-იდან.

სინტაქსი : func_get_arg ( [ნომერი] )

Code

function saxelebi()
{
      echo func_get_arg(0)." da ".func_get_arg(1);
}

saxelebi("none.ucoz.lv Portal","None.ucoz.lv forum");
?>

ყველა არგუმენტის მიღება : func_get_args

ფუნქცია აბრუნებს მასივს, რომელშიც შედის ყველა მითითებული არგუმენტი.

სინტაქსი : func_get_args()

ამ მაგალითში კვლავ გამოვიყენებთ მასივის შემადგენლობის ჩამოწერის ფუნქციას print_r

Code

function sia()
{
     $argumentebi = func_get_args();
     echo "

"; 
     print_r($argumentebi); 
     echo "

";
}

sia("Dato","Gio","Levani","Kaxa","Misha");

?>

რგუმენტების რაოდენობა : func_num_args

ფუნქცია აბრუნებს მითითებული პარამეტრების რაოდენობას.

სინტაქსი : func_num_args()

Code

function sia()
{
     $raodenoba = func_num_args();
     echo $raodenoba;
}

sia("Misha","Kaxa","Levani");
?>

ფუნქციის გამოძახების ალტერნატივა : call_user_func

არსებობს შემთხვევები როდესაც ფუნქციის გამოძახება გვიხდება ცვლადიდან, ანუ შეიძლება ცვლადში ეწეროს ჩვენი ფუნქციის სახელი. შეიძლება იფიქროთ, რომ შესაძლებელია ამის განხორციელება შემდეგნაერად:

Code

function testi()
{
     echo "Gamozaxebulia!";
}

$funqcia = "testi";
$funqcia();
?>

ეს მართალიცაა, მაგრამ კოდი იმუშავებს მხოლოდ ზოგიერთ PHP-ის ვერსიაზე და დამოკიდებული ქინება php.ini-ში მითითებულ პარამეტრებზე. ეს პრობლემა უფრო ხარისხიანად რომ გადავჭრათ მოდით შევხედოთ ფუნქციას call_user_func

სინტაქსი : call_user_func ( [ფუნქციის სახელი], [არგუმეტი1], [არგუმენტი...] )

Code

function testi()
{
     echo "Gamozaxebulia!";
}

$funqcia = "testi";
call_user_func($funqcia);
?>

მას შემდეგ რაც შეისწავლით მასივებთან მუშაობას, გაგიჩნდებათ შეკითხვა, ნუთუ არ შეიძლება ფუნქციის ისე გამოძახება, რომ პარამეტრად მივუთითო მასივი არგუმენტებით. ესეც შესაძლებელია და ხდება ფუნქციით call_user_func_array

სინტაქსი : call_user_func_array ( [ფუნქციის სახელი], [მასივი არგუმენტებით] )

მასივების შესწავლის შემდეგ ამ ფუნქციას აუცილებლათ დავუბრუნდებით.

php დამწყებებს - 5 გაკვეთილი

DL1MP1K — Sat, 04 Feb 2012 10:24:04 GMT

PHP-ს ერთ-ერთი უმთავრესი ძალა მდგომარეობს მის ფუნქციებში, მას გააჩნია ათასამდე ჩადგმული ფუნქცია. PHP-ში სცენარების უმრავლესობა იწერება ფუნქციების მეშვეობით და ჩადგმული კლასებით. კლასებს ჯერ-ჯერობით თავი დავანებოთ, და მხოლოდ ის ვთვათ რომ კლასები გახლავთ უბრალოდ ფუნქციების ნაკრები, რომლებიც გართულებული მეთოდებით ასრულებენ მათ ფუნქციონირებას. PHP-ის ჩადგმული ფუნქციებით პროგრამისტები ადგენენ თავიანთ ფუნქციებს, რაც ეხმარებათ სცენარის უფრო მარტივი და გაფართოებული მოქმედებისთვის.

ფუნქციის შექმნა

ფუნქციის შექმნა ძალიან მარტივია, ჯერ ინტერპრეტატორს უნდა გამოვუცხადოთ რომ ვქმნით ფუნქციას ბრძანებით function ან create_function()-რომელსაც მოგვიანებით გავარჩევთ. function-ის შემდეგ ვწერთ ჩვენი ფუნცქიის სახელს. მსგავსი ფუნქცია არ უნდა არსებობდეს, წინააღმდეგ შემთხვევაში ინტერპრეტატორი ამას ჩათვლის შეცდომად. სახელის შემდეგ იწერება ფუნქციის კოდი ეგრედ წოდებულ "bracket"-ებში ( { } ).

შევქმნათ ფუნქცია, რომელიც ეკრანზე გამოიტანს იმ ფაილის სახელს რომელზედაც ვმუშაობთ:

Code

function pailis_saxeli() {
      echo __FILE__; // __FILE__ წარმოადგენს კონსტანტას
}

?>

ფუნქციის არგუმენტები

ფუნქციის უმთავრესი ძალა მდგომარეობს იმაში, რომ შესაძლებელია მივაწოდოთ ერთი ან მეტი არგუმენტი. უარგუმენტო ფუნქციები, უბრალოდ ახდენენ კოდის შემოკლებულად დაწერას, მაგალითად ერთხელ დავწერთ ფუნქციას, რომელიც მრავალ სხვა ფუნქციებს იძახებს, ხოლო შემდეგ სადაც გვინდა მარტივად გამოვიძახებთ მას, ის კი ავტომატურად შეასრულებს სხვა დავალებებს. არგუმენტიან ფუნქციებს სულ სხვა დატვირთვა გააჩნიათ, ისინი მიწოდებული ცვლადებით ასრულებენ მითითებულ ბრძანებებს. არგუმენტის მიწოდება ძალიან ადვილია, ფუნქციას ფრჩხილებში უნდა ჩავუწეროთ ცვლადის სახელი, რომელსაც შემდეგ ფუნქციის გამოძახებისას მივაწოდებთ.

Code

function gaormageba($ricxvi)
{
      echo $ricxvi*2;
}

?>

ფუნქციის გამოძახება

მას შემდეგ რაც შევქმნით ფუნქციას, შეგვიძლია ის გამოვიყენოთ. ეს ხდება ფუნქციის სახელის დაწერითა და გვერდზე ფრჩხილების მოთავსებით (). თუ ფუნქცია იღებს არგუმენტს მაშინ ფრჩხილებში ვათავსებთ იმ ცვლადს ან მონაცემს რისი მიწოდებაც გვინდა.

მაგალითისთვის გამოვიყენოთ ჩვენს მიერ უკვა შექმნილი ფუნქცია gameoreba($ricxvi)

Code

function gaormageba($ricxvi)
{
      echo $ricxvi*2;
}

gaormageba(5);

?>

ეს მაგალითი ეკრანზე რეზულტატად გამოიტანს 5-ისა და 2-ის ნამრავლს, ანუ 10-ს. იმ შემთხვევაში თუ ფუნქცია არგუმენტს არ იღებს ფრჩხილებში არაფერს არ ვათავსებთ. ყველა ფუნქციას რომელიც იღებს არგუმენტს გამოძახებისას აუცილებლად უნდა მიენიჭოს რაიმე.

მრავალარგუმენტიანი ფუნქციები

ფუნქციები რომლებიც იღებენ ერთზე მეტ არგუმენტს ფუნქციის პარამეტრების ადგილას (ფრჩხილებში) ცვლადები გამოყოფილ უნდა იქნას მძიმეებით, იგივე ხდება გამოძახებისასაც.

Code

function namravli($ricxvi1, $ricxvi2)
{
      echo $ricxvi1*ricxvi2;
}

namravli(12, 4);

?>

დაყენებული ცვლადები

არსებობს შემთხვევები, როდესაც გვსურს ფუნქციამ რაღაც ცვლადებს ავტომატურად მიანიჭოს მნიშვნელობები. ასეთ შემთხვევაში ცვლადს არგუმენტების სიაშივე ვუთითებთ მნიშვნელობას, ამის შემდეგ ფუნქციის გამოძახებისას თუ მას არ მივანიჭეთ ახალი მნიშვნელობა, ფუნქცია მას აღიქვამს ისე როგორც პარამეტრში მივუთითეთ:

Code

function namravli_da_mimateba($namravli1, $namravli2, $mimateba=15)
{
      echo $namravli1*$namravli2+$mimateba;
}

namravli_da_mimateba(20,2); // gamoitans 55-s
echo "
";
namravli_da_mimateba(20,2,20); // gamoitans 60-s

?>

დაბრუნების მეთოდი

ფუნქციებს გააჩნიათ ძალიან სასარგებლო მეთოდი return, ამ ბრძანების შემდეგ მომავალი ცვლადი ან რაიმე მონაცემი ინტერპრეტატორს ეუბნება, რომ იმ ადგილს სადაც ხდება ფუნქციის გამოძახება მიენიჭოს ფუნქციის მიერ დაბრუნებული მონაცემი. უფრო ადვილი გასაგებისთვის წარმოიდგინეთ, რომ იქნებ არ გვსურს რომ ზემოთ გარჩეულმა ფუნქციება არ გამოიყენონ echo ბრძანება, არ გამოიტანონ ეკრანზე ეგ ტექსტი არამედ უბრალოდ დააბრუნონ ის რასაც ეკრანზე გამოიტანდნენ სცენარის მომავალი გაგრძელებისთვის.

Code

function gaormageba($ricxvi)
{
      return $ricxvi*2;
}

function namravli_da_mimateba($namravli1, $namravli2, $mimateba=15)
{
      return $namravli1*$namravli2+$mimateba;
}

$pasuxi1 = namravli_da_mimateba(20,2);
$pasuxi2 = gaormageba($pasuxi1);

echo "Pasuxi aris: ".$pasuxi2;

?>

გლობალური ცვლადები

ფუნქციის შესრულებისას ფუნქცია ვერ ხედავს ვერც ერთ ცვლადს გარდა იმ ცვლადებისა რომლებიც მას არგუმენტებით მიეწოდება. იმისათვის რომ მან შეძლოს სხვა საჭირო მონაცემების მიღება, აუცილებელია ფუნქციაში გამოვიყენოთ კონსტრუქცია global

Code

$saiti = "none.ucoz.lv Portal";

function chveneba($agcera="Agceris Gareshe")
{
      global $saiti;
      $teqsti = "".$saiti."
".$agcera;
      echo $teqsti;
}

chveneba("Kompiuteruli Portali, Diskusiebi, Programebi, Skriptebi, Scavleba, a.sh.");

?>

მითითებული ცვლადები

ჩვეულებრივ, როდესაც არგუმენტები ეგზავნება ფუნქციას მისი შეცვლილი მნიშვნელობა ფუნქციის გარეთ რჩება ის რაც იყო. თუ გსურთ, რომ მითითებული ცვლადის მნიშვნელობა შეიცვალოს ფუნქციასთან ურთიერკავშირში მაშინ ცვლადის წინ უნდა დასვათ & სიმბოლო.

Code

function teqstis_micera(&$teqsti)
{
     $teqsti .= "es ki micerili teqsti";
}

$nacili = 'es aris teqstis nacili... ';

teqstis_micera($nacili);

echo $nacili;

?>

რასაკვირველია ეს მაგალითი ეკრანზე გამოიტანს შემდეგ ტექსტს: es aris teqstis nacili... es ki micerili teqsti

წიგნები

DL1MP1K — Thu, 02 Feb 2012 10:33:08 GMT

Forum: HTML
Thread description: სადაც საფუძვლიანად შეისწავლით ჰტმლ-ს
Thread starter: DL1MP1K
Last message posted by: DL1MP1K
Number of replies: 0

php დამწყებებს - 4 გაკვეთილი

DL1MP1K — Thu, 02 Feb 2012 10:22:25 GMT

ოპერაციები ცვლადებთან

საერთოდ თავიდან ცოტა არ იყოს ძნელია პროგრამირების სინტაქსთან მიჩვევა, სწორედ ამიტომ ამ თავში გადავწყვიტეთ ვისაუბროთ ზოგადად PHP-ის გამოსახულებებსა და ლოგიკურ ოპერაციებზე.

PHP-ში ცვლადებთან ან ფუნქციებთან მუშაობისას ხშირად საჭირო ხდება რაიმე ცვლილების შეტანა იმისათვის რომ სასურველი რეზულტატი მივიღოთ. რათქმაუნდა ეს ყველაფერი შეიძლება უფრო გრძელი და მარტივი გზითაც მოგვარდეს, მაგრამ პრაქტიკაში მიღებულია თითო ოპერაციის რაც შეიძლება ლაკონურად დაწერა. ვთქვათ გვინდა რომ $a იყოს $b-ს ტოლი. ამისთვის ჯერ უნდა მივანიჭოთ ცვლად $a-ს მნიშვნელობა, შემდეგ კი $b ს მივანიჭოთ ცვლადური მნიშვნელობა $a. ამ პრობლემის ლაკონური და კონკრეტული გამოსახულების ჩანაწერი იქნება შემდეგნაერი:

Code

$a = ($b = 10);
?>

PHP-ში მათემატიკური ოპერაციების შესრულება შესაძლებელია მხოლოდ ერთი ხაზითაც კი. შემდეგი მაგალითი ჩაწერილია შემოკლებით, იმის ასახსნელად, რომ ცვლადს შეიძლება მიენიჭოს როგორც მხოლოდ ერთი რიცხვი, ასევე რაიმე ფუნქცია, ტექსტი, მათემატიკური ოპერაცია და ასე შემდეგ.

Code

$result = 5 * sin($b = 50) + 15l;
?>

დამეთანხმებით, რომ ზემოთ მოცემული კოდის უფრო ვრცლად და გასაგებად ჩაწერაც შეიძლებოდა, მაგრამ ესეთი მუშაობის სტილი უფრო ლაკონურსა და ადვილად გასარჩევს ხდის კოდს.

წინა თავში შეგვხვდა მაგალითები, რომლებშიც ცვლადს ენიჭებოდა რაიმე ტექსტი და ცვლადი ერთად. ალბათ მაგ დროს დაგაბნიათ ბრჭყალებმა და წერტილება უადგილო ადგილებზე, მაგრამ უადგილოდ სრულიადაც არ გვიხმარია ეს სიმბოლოები. საერთოდ PHP-ში წერტილი ნიშნავს ორი ცვლადის, ორი ტექსტის ან რაიმე ორი ტიპის წყაროს შეერთებას. შემდეგი მაგალითი დაგეხმარებათ ზემოთ ნალაპარაკების გარჩევაში.

Code

$saxeli = "saxeli"; // string
$gvari = "gvari"; // string
$asaki = 92; // integer

// gamova:
$saxeli_da_gvari = $saxeli." ".$gvari;

// Asaki marcxniv textit Asaki:
$asaki_sityvit = "Asaki: ".$asaki;

// Saxei da gvari gadabumal
$saxeli_da_gvari_gadabmulad = $saxeli.$gvari;

$texti = "Saxeli: ".$saxeli."
Gvari: ".$gvari."
Asaki: ".$asaki;

?>

არსებობს ორი ცვლადის შეერთების, ან უფრო სწორი იქნება თუ ვუწოდებთ გაგრძელების მეორე გზაც. ეს ხდება წერტილ-ტოლობით (.=)

Code

$text = "Xazi erti
";
$text .= "Xazi ori ";
$text .= "Gagrzeleba";
?>

თუ წერტილის მაგივრად ტოლობასთან გამოვიყენებთ სხვა სიმბოლოებს მაგალითად (+, -, /, *) ცვლადს მიენიჭება მისი მნიშვნელობისა და თავისი თავის მათემატიკური ოპერაციის რეზულტატი.

Code

$c = 5;
$c += 1; // resultati aris $c + 2 anu 6
$c -= -1; // resultati aris $c - (- 1), anu 7

$x = 5;
$x *= $c; // resultati aris $x * $c, anu 35

$y = 70;
$y /= $x // resultati aris $y / $x, anu 2
?>

ამ ყველაფრის გარდა არსებობს დისკრიმენტისა და ინკრიმენტის შესრულების შემოკლებული მეთოდები.

Code

$a = 5;
$a++; // $a gaizarda 1-it da gaxda 6

$a--; // $a shemcirda 1-it da gaxda 5

$b = 5 * $a++; // inkriomenti sruldeba operaciis shemdeg
                 // tavidan $b xdeba 25, da shemdeg $a izdeba
                 // ertit da xdeba 6

// tu gindat rom $a-s sheusruldes inkrimentis funqcia tavidan
// mashin mas unda daucerot ori pliusi cin

$b = 5 * ++$a; // $a gaizarda 7amde; $b gaxda 35

$c = 100;
$c -= ++$b + $a++; // $b xdeba 36; $c ki gamodis rom tolia
                     // 100 - ( 36 + 7 ); sabolood, $a xdeba 8
?>

პროგრამები

DL1MP1K — Wed, 01 Feb 2012 12:25:13 GMT

ამ პროგრამის დახმარებით შეგიძლიათ შექმნათ მარტივად არა მხოლოდ php ფაილი არამედ HTML, XHTML, CSS და JavaScript კოდები...

დამატებითი ინფორმაცია

გადმოწერე phpDesigner v7.2.2

php დამწყებებს - 3 გაკვეთილი

DL1MP1K — Wed, 01 Feb 2012 10:40:32 GMT

კონსტანტები

კონსტანტები შეგიძლიათ წარმოიდგინოთ „უცვლელ ცვლადებად". ცვლადის მთავარი პრინციპი თავისივე სიტყვიდან გამომდინარეობს, ის შეიძლება იქნას შეცვლილი. კონსტანტები კი ასევე სახელიდან გამომდინარე მუდამ ერთი და იგივე მნიშვნელობას ატარებენ. PHP-ს თავიდანვე განსაზღვრული აქვს ესა-თუ-ის ცვლადი და კონსტანტა, იმის გათვალისწინებით რომ ყველა არსებული ცვლადი სხვადასხვა სერვერსა და სხვადასხვა გარემოში იცვლება, კონსტანტა კი მუდამ ერთი და იგივე რჩება. კონსტანტის ეკრანზე გამოტანა ან სხვა ოპერაციის ჩატარება ხდება ზუსტად ცვლადისნაერად, იმის გამონაკლისით რომ $ ნიშანი აღარ უწერია უკან. ალბათ ყველამ იცით ცნობილი მათემატიკური კონსტანტა „პი" რომელიც მიახლოებით 3.14-ის ტოლია. სცადეთ და გამოიტანეთ ეკრანზე ეს მუდმივი მნიშვნელობა.

Code

define("PI",3.1459);
echo "Mudmivi PI-s mnishvneloba: ".PI;
?>

PHP-ს გააჩნია მრავალი მუდმივი მნიშვნელობა, შეგიძლიათ იხილოთ მათი ჩნამონათვალი:

__FILE__ - ფაილის სახელი რომელზედაც ხდება მუშაობა
__LINE__ - ხაზის ნომერი ფაილში რომელზედაც ხდება მუშაობა
PHP_VERSION – PHP-ის ვერსია სერვერზე
PHP_OS - ოპერაციული სისტემის სახელი რომელზეც მუშაობს PHP
TRUE ან true – ჭეშმარიტება
FALSE ან false – ცრუ
NULL ან null – წარმოადგენს მნიშვნელობას NULL

კონსანტის შექმნა შეიძლება ფუნქცია define()-ის გამოყენებით, შემდეგნაერად:

Code

define("saiti",http://none.ucoz.lv/forum);
echo saiti;
?>

შესაძლებელია კონსტანტის არსებობის შემოწმება ფუნქციით defined($name) რომელიც დააბრუნებს bool ის ტიპს; ture ან false.

php დამწყებებს - 2 გაკვეთილი

DL1MP1K — Tue, 31 Jan 2012 15:36:39 GMT

PHP-ში ისევე როგორც ყველა პროგრამირების ენაში არსებობენ ცვლადები. მათ გარეშე ალბათ არც არაფერი არ გამოვიდოდა, ან თუ გამოვიდოდა მაშინ კოდი 20 ჯერ ან 30 ჯერ უფრო დიდი გვექნებოდა. ცვლადი უნდა გაიგოთ როგორც რაიმე სახელი რომელიც რაღაცას ნიშნავს, რაღაცას წარმოადგენს.

ცვლადი შეიძლება იყოს რამდენიმენაერი, მათი სახეობებია: boolean ან bool (ლოგიკური სახეობა. true – 1 ან false – 0), integer (მთელი რიცხვი), double (დიდ სიზუსტემდე დაყვანილი რიცხვი), string (ტექსტი), array (ასოციაციური მასივი), object (ობიექტის ბმული), resource (რესურსი) და NULL (სპეციალური მნიშვნელობა).

ცვლადი შეიძლება იქნას შექმნილი, შეცვლილი და გაუქმებული. ცვლადის შექმნა ხდება ძალიან მარტივად, ჩვენს მიერ მოგონილ სახელს უნდა მივანიჭოთ რაიმე მნიშვნელობა, მაგრამ მსგავსი სახელის მქონე ცვლადი არ უნდა არსებობდეს, წინააღმდეგ შემთხვევაში თქვენ უბრალოდ შეიტანთ ცვლილებას ცვლადში.

Code

// vqmnit cvlads saxelad ‘saiti’
$saiti = "none.ucoz.lv";
?>

ოგორც ხედავთ ტოლობის ნიშანს მოყვა ბრჭყალი, ორმაგი ბრჭყალის ნაცვლად შეგიძლიათ იხმაროთ უბრალო (‘) ერთი ბრჭყალი.

როგორც უკვე ავღნიშნეთ ცვლადის შეცვლა ხდება უბრალოდ უკვე არსებული ცვლადისათვის ახალი მნიშვნელობის მინიჭებით.

Code

// vqmnit cvlads da gamogvaq ekranze
$saiti = "none.ucoz.lv";
echo "Mnishvneloba Iyo : ".$saiti;

// vcvlit cvlads da gamogvaq ekranze
$saiti = "none.ucoz.lv Portal";
echo "
Mnishvneloba Gaxda : ".$saiti;
?>

ასევე შეიძლება ცვლადის გაუქმება, ეს ხდება ფუნქციით unset($var). ამ ფუნქციას არგუმენტად უნდა მივაწოდოთ ცვლადის სახელი, თუ ცვლადი არსებობს მაშინ ის წარმატებით გაუქმდება, თუ არა მაშინ ფუნქცია არ შესრულდება და დააბრუნებს boolean-ის ტიპის ცვლადს false-ს.

ცვლადის არსებობის შემოწმება კი ხდება ფუნქციით isset($var). თუ არგუმენტად მიწოდებული ცვლადი არსებობს ფუნქცია დააბრუნებს true-ს, საპირისპირო შემთხვევაში კი false-ს.

Code

// vqmnit cvlads da gamogvaq ekranze
$saiti = "none.ucoz.lv";
echo "Mnishvneloba aris : ".$saiti;

// vauqmebt cvlads $saiti
unset($saiti);

if (isset($saiti) == true) echo "
Mnishvneloba aris : ".$saiti;
else echo "
Cvladi \$saiti ar arsebobs!";

?>

ფუნქცია isset($var)-ის მაგვარი უფრო დეტალური ფუნქციებია: is_integer($var), is_double($var), is_string($var), is_numeric($var), is_bool($var), is_scalar($var), is_null($var), is_array($var), is_object($var). ხოლო ცვლადის ტიპის გაგება შეიძლება ფუნქციით getType($var), რომელიც დააბრუნებს ცვლადის ტიპს თუ მიწოდებული არგუმენტი მარტლაც ცვლადია, წინააღმეგ შემთხვევაში დაბრუნდება string-ი ტექსტით: "unknown type".

ძალიან იშვიათად, მაგრამ შეიძლება რთულ პროექტზე მუშაობისას დაგჭირდეთ ცვლადის სახეობის შეძლებისდაგვარად შეცვლა. ეს შეიძლება შესრულდეს ფუნქცია settype($var,$type) ის მეშვეობით, შემდეგნაერად.

Code

$int = 5;
$num = "5";

echo gettype($int)." : ".$int;
echo "
";
echo gettype($num)." : ".$num;

settype($num,"integer");

echo gettype($num)." : ".$num;

?>

ცვლადების კოპირება ძალიან ადვილია, ერთი შეხედვით გამოუსადეგარი, თუმცა ხანდახან სასარგებლოცაა. ალბათ უკვე თქვენ თვითონაც ხვდებით ეს როგორც მოხდება, მაგრამ მაგალითს მაინც მოვიყვანთ.

Code

$cvladi_erti = "gamarjoba";
$cvladi_ori = $cvladi_erti;
$cvlad_sami = $cvladi_erti;
echo $cvladi_sami; // daicereba "gamarjoba"
?>

არსებობს ასევე სინონუმური ცვლადები. სინონიმური ცვლადების მთავარი შინაარსია ერთი ცვლადის სინონიმის შეცვლისას ავტომატურად შეიცვალოს მეორეც.

Code

$cvladi_erti = "gamarjoba";
$cvladi_ori =& $cvladi_erti;
$cvladi_ori = "naxvamdis";
echo $cvladi_ori." = ".$cvladi_erti;
?>

php დამწყებებს - 1 გაკვეთილი

DL1MP1K — Tue, 31 Jan 2012 15:28:06 GMT

გამარჯობა სამყარო

თითქმის ყველა პროგრამირების დოკუმენტაცია იწყება ორი მარტივი სიტყვის დაწერით. მოდით, ჩვენც არ დავარღვიოთ ეს ტრადიცია და ჩვენი დოკუმენტაცია დავიწყოთ იგივე ფრაზით.

საერთოდ PHP-ში ხანდახან შეგვხვდება ერთი და იგივე ფუნქციის ანალოგი ფუნქციები, რომლებიც ხშირად ერთი და იგივე რაღაცას აკეთებენ ან შეიძლბა ოდნავ განსხვავებულს. ფუნქციებზე მოგვიანებით ვისაუბროთ ეხლა კი გავხსნათ ცარიელი *.php ფაილი და ჩავწეროთ:

Code

print("Hello World from PHP");
?>

Code

ამ ფაილის გაშვებისას ეკრანის ზემო მარცხენა კუთხეში დაიწერება ჩვენი ყველასათვის ცნობილი ფრაზა.
ალბათ გაინტერესებთ თუ რატომ იწყება ფაილი ამით. მოკლედ რომ ვთქვათ, PHP-ის კოდი საერთოდ იწერება ამ კონტექსტში. ინტერპრეტატორი გებულობს, რომ კოდი რომელიც მოთავსებულია -ს შორის უნდა აღიქვას როგორც PHP სკრიპტი. მოდით ვცადოთ შემდეგი რამ. უკვე დაწერილ ფაილს ?> ამის ქვეს დავუწეროთ.

[code]
       print("Hello World from PHP");
?>

Hello World from HTML

სკრიპტის გაშვებისას დავინახავთ რომ აქამდე დაწერილი კოდის ქვეშ გაჩნდა მეორე წარწერაც. დაუკვირდით, კოდი წამოვიდა ?> ამის შემდეგ, ანუ ინტერპრეტატორმა წამოსული კოდი არ აღიქვა როგორც PHP და ბრაუზერს ანდო, ბრაუზერი კი ტექსტს აღიქვამს როგორც (text/html) HTML.

მოდით გავარჩიოთ ჩვენს მიერ დაწერილი ფუნქცია print("Hello World from PHP");

ფუნქცია print უზრუნველყობს მისი არგუმენტების ეკრანზე დაწერას. ყველა ფუნქცია შემდეგი სტრუქტურისაა : სახელი(არგუმენტები). ჩვენს შემთხვევაში ფუნქციის სახელია print ხოლო მისი არგუმენტია Hello World from PHP. თუ არგუმენტი ტექსტი ანუ String ია, ის უნდა მოვათავსოთ ბრჭყალებში, წინააღმდეგ შემთხვევაში ინტერპრეტატორი მას სხვაგვარად აღიქვამს. ბრჭყალებათ მიღებულია ორმაგი ობჭყალების ხმარება (”), თუმცა შეიძლება ვიხმაროთ ერთი ბრჭყალი (’). ჩვენ ბრჭყალებზე მოგვიანებით ვისაუბრებთ ეხლა კი დავაკვირდეთ ფუნქციის ბოლოს მყოფ (;) ნიშანს. აუცილებელია ყველა ბრძანებას მოსდევდეს ; ნიშანი, რადგან ინტერპრეტატორმა აღიქვას რომ ეს ფუნქცია დასრულებულია.

print ფუნქციის ალტერნატიული ფუნქციაა echo. შეგიძლიათ დარწმუნდეთ:

Code

       print("Hello World from Print");
       print("
");
       echo("Hello World from Echo");
?>

ეს ყველაფერი არაა, PHP-ს შემქმნელებმა იფიქრეს, რომ ესეთი მარტივი ფუნქციები არ არის აუცილებელი იყოს ფუნქციის სახით, რადგან მათ მხოლოდ ერთი არგუმენტი მიეწოდებათ, ასე რომ print, echo და კიდე რამდენიმე ფუნქცია შეგიძლიათ იხმაროთ შემდეგნაერადაც:

Code

       print "Hello World";
       echo "
";
       echo "Hello World";
?>

განსხვავება მხოლოდ ისაა, რომ ზოგიერთისთვის არასასიამოვნო ფრჩხილები მოშორებულია.

ფუნქციებზე და არგუმენტებზე მოგვიანბით ვისაუბრებთ, პირველი გაკვეთილი კი დასრულებულია.