გამარჯობა სამყარო
თითქმის ყველა პროგრამირების დოკუმენტაცია იწყება ორი მარტივი სიტყვის დაწერით. მოდით, ჩვენც არ დავარღვიოთ ეს ტრადიცია და ჩვენი დოკუმენტაცია დავიწყოთ იგივე ფრაზით.
საერთოდ PHP-ში ხანდახან შეგვხვდება ერთი და იგივე ფუნქციის ანალოგი ფუნქციები, რომლებიც ხშირად ერთი და იგივე რაღაცას აკეთებენ ან შეიძლბა ოდნავ განსხვავებულს. ფუნქციებზე მოგვიანებით ვისაუბროთ ეხლა კი გავხსნათ ცარიელი *.php ფაილი და ჩავწეროთ:
Code
<?php
print("Hello World from PHP");
?>
Code
ამ ფაილის გაშვებისას ეკრანის ზემო მარცხენა კუთხეში დაიწერება ჩვენი ყველასათვის ცნობილი ფრაზა.
ალბათ გაინტერესებთ თუ რატომ იწყება ფაილი <?php თი და მთავრდება ?> ამით. მოკლედ რომ ვთქვათ, PHP-ის კოდი საერთოდ იწერება ამ კონტექსტში. ინტერპრეტატორი გებულობს, რომ კოდი რომელიც მოთავსებულია <?php -სა და ?> -ს შორის უნდა აღიქვას როგორც PHP სკრიპტი. მოდით ვცადოთ შემდეგი რამ. უკვე დაწერილ ფაილს ?> ამის ქვეს დავუწეროთ.
[code]
<?php
print("Hello World from PHP");
?>
Hello World from HTML
სკრიპტის გაშვებისას დავინახავთ რომ აქამდე დაწერილი კოდის ქვეშ გაჩნდა მეორე წარწერაც. დაუკვირდით, კოდი წამოვიდა ?> ამის შემდეგ, ანუ ინტერპრეტატორმა წამოსული კოდი არ აღიქვა როგორც PHP და ბრაუზერს ანდო, ბრაუზერი კი ტექსტს აღიქვამს როგორც (text/html) HTML.
მოდით გავარჩიოთ ჩვენს მიერ დაწერილი ფუნქცია print("Hello World from PHP");
ფუნქცია print უზრუნველყობს მისი არგუმენტების ეკრანზე დაწერას. ყველა ფუნქცია შემდეგი სტრუქტურისაა : სახელი(არგუმენტები). ჩვენს შემთხვევაში ფუნქციის სახელია print ხოლო მისი არგუმენტია Hello World from PHP. თუ არგუმენტი ტექსტი ანუ String ია, ის უნდა მოვათავსოთ ბრჭყალებში, წინააღმდეგ შემთხვევაში ინტერპრეტატორი მას სხვაგვარად აღიქვამს. ბრჭყალებათ მიღებულია ორმაგი ობჭყალების ხმარება (”), თუმცა შეიძლება ვიხმაროთ ერთი ბრჭყალი (’). ჩვენ ბრჭყალებზე მოგვიანებით ვისაუბრებთ ეხლა კი დავაკვირდეთ ფუნქციის ბოლოს მყოფ (;) ნიშანს. აუცილებელია ყველა ბრძანებას მოსდევდეს ; ნიშანი, რადგან ინტერპრეტატორმა აღიქვას რომ ეს ფუნქცია დასრულებულია.
print ფუნქციის ალტერნატიული ფუნქციაა echo. შეგიძლიათ დარწმუნდეთ:
Code
<?php
print("Hello World from Print");
print("
");
echo("Hello World from Echo");
?>
ეს ყველაფერი არაა, PHP-ს შემქმნელებმა იფიქრეს, რომ ესეთი მარტივი ფუნქციები არ არის აუცილებელი იყოს ფუნქციის სახით, რადგან მათ მხოლოდ ერთი არგუმენტი მიეწოდებათ, ასე რომ print, echo და კიდე რამდენიმე ფუნქცია შეგიძლიათ იხმაროთ შემდეგნაერადაც:
Code
<?php
print "Hello World";
echo "
";
echo "Hello World";
?>
განსხვავება მხოლოდ ისაა, რომ ზოგიერთისთვის არასასიამოვნო ფრჩხილები მოშორებულია.
ფუნქციებზე და არგუმენტებზე მოგვიანბით ვისაუბრებთ, პირველი გაკვეთილი კი დასრულებულია.
